Група мигранти, која во моментов се наоѓа во Грција, денеска организираше протестен марш низ центарот на Солун поради затворањето на границите. Демонстрантите носеле вреќи за спиење и багаж, пренесува АНА. Тие носеле и транспаренти со натписите: „Не за концентрациони логори никаде и никогаш“, „Азил и засолништа за бегалците“ и „Затвор за фашистите“. Мигрантите имаат намера да се задржат во Солун до два дена со цел да ја подигнат свеста за важноста на нивните барања за азил, потребата за засолништа и отворање на границите за да можат да го продолжат патот кон другите земји во Европа.
