Еврокомесарот за миграции Димитрис Аврамопулос денеска ќе престојува во Тирана, каде што со албанскиот државен врв ќе разговара за мигрантската криза, која би можела да ја погоди и Албанија. Албанските медиуми пренесуваат дека нов пат на бегалците, кои сакаат да стигнат до Германија и другите земји на ЕУ од Грција, можно е да биде Албанија, иако се уште нема јасен став на албанските власти околу ова прашање, кои сметаат дека е потребна организација од самите членки на Унијата и разгледување на можностите што ги нуди секоја држава за привремено сместување на бегалци.
