Обединетите нации се медијатори на мировните преговори што би требало да почнат денеска во Женева меѓу претставници на режимот на претседателот Башар ал Асад и на сириските опозициски фракции. Преговорите треба да го зацврстат примирјето меѓу сириските владини сили и опозициските бунтовници. Милитантите на Ал Каеда и на Исламската држава не се вклучени во примирјето и нема да бидат претставени на преговорите во Женева. Пратеникот на ОН за Сирија Стафан де Мистура изјави дека преговорите не би требало да траат повеќе од десет дена.