Пратеникот на ОН за Сирија, Стефан де Мистура, изјави дека денеска во Женева ќе почнат да пристигнуваат делегатите за „суштински и подлабоки“ разговори меѓу сириската влада и опозициските претставници, кои треба да почнат на 14 март. Тој рече дека разговорите повторно ќе бидат со секоја страна одделно, по што посредникот ги пренесува ставовите. Зборувајќи на прес-конференција во Женева, де Мистура рече дека прекинот на огнот во Сирија од пред две недели во голема мера се спроведува.