Најмалку 18 мигранти се удавиле кога потонал нивниот брод покрај турскиот брег, јавија медиуми од земјата. Турската крајбрежна стража соопшти дека биле спасени 15 лица, а исто така биле пронајдени и тела на 18 мигранти во Егејското море во близина на градот Дидим. Спасувачката операција за пронаоѓање на преживеани мигранти се уште е во тек. Се уште не се знае националноста на жртвите. Турскиот премиер Ахмет Давутоглу утре ќе отпатува за Брисел на самитот на лидерите на ЕУ за изнaоѓање решениe за бегалската криза.