Германскиот министер за финансии Волфганг Шојбле во интервју за БиБиСи изјави дека референдумот во Британија за напуштање на ЕУ ќе и наштети не само на економијата на земјата, туку и на европските и светските економии. Според него, преговорите во наредните години би биле многу тешки што ќе резултира со несигурност која ќе делува како отров за економијата на Британија на Европа и на глобално ниво.
Во однос на пристапувањето на Турција во ЕУ, тој истакна дека Германија има сомнежи околу нејзиното членство и оти преговорите ќе траат долго време, но според него тоа не треба сега да предизвикува загриженост.