Српскиот претседател Томислав Николиќ денеска потпиша декрет за распуштање на парламентот и распишување на предвремени парламентарни избори на 24 април. Николиќ свика предвремени избори откако коалициската Влада, предводена од „Српската напредна партија“, соопшти дека има потреба од посилен мандат за да ги направи поефикасни економските реформи и да ги заврши преговорите за влез во ЕУ. Српскиот претседател истакна дека очекува фер и демократски избори.
Српската напредна странка на премиерот Александар Вучиќ води на анкетите. На изборите што се одржаа во април 2014 година, партијата освои 131 пратеници во 250-члениот парламент. Тоа е доволно за мнозинство за формирање влада, но недоволно за промени на Уставот, кои се неопходни за пристапувањето на Србија во ЕУ, за кои е потребно двотретинско мнозинство.