Товарен брод со оружје, кој пловел под знамето на Того, бил задржан на островот Крит, јавија грчките медиуми. Бродот, кој тргнал од Турција, е задржан по сигнал на грчката разузнавачка служба. На бродот се пронајдени шест контејнери со илјадници парчиња огнено оружје, муниција и експлозивни направи. Грчките власти истражуваат дали оружјето е законски превезувано. Единаесетчлениот екипаж на бродот вклучува и Сиријци. Првата станица на бродот била Либан, а потоа требал да стигне до североисточна Африка.