Стотици граѓани излегоа на протест пред Уставниот суд во Скопје, на кој бараат оставки од судиите Јован Јосифовски, Владимир Стојановски, Вангелина Маркудова, Елена Гошева и Никола Ивановски, поради тоа што овие судии, со мнозинство гласови ја прифатија Иницијативата да се разгледува можноста Претседателот да може да помилува и лица осудени за изборен криминал. Законот за помилување сега тоа го забранува.
Според демонстрантите, овие пет судии работат по „диктат на тефтерчето“ и поради тоа треба да се повлечат од своите функции или да работат во интерес на граѓаните. Протестот е под силно полициско обезбедување.