Чешка ќе формира единица од 300 полицајци со меѓународно искуство кои ќе учествуваат во странски мисии. Ова го најави чешкиот министер за внатрешни работи Милан Хованец наведувајќи: „Мислиме дека токму во Македонија ќе одат уште наши полицајци“, рече Хованец. Испраќањето на овие сили, според шефот на чешкото МВР, ќе биде според потребите, а како можност ги спомна Грција и Италија. В четврток Хованец ќе присуствува на состанокот на министрите за внатрешни работи на земјите на ЕУ во Брисел, а в петок ќе ги посети полицајците во Македонија. Сега на македонско грчката граница има 27 полицајци од Чешка, чија мисија завршува на 19 март.
