Ако нема избори, да се врати политичката влада која има полн легитимитет од граѓаните, напиша премиерот Емил Димитриев на Фејсбук. Тој вели дека техничката влада на подолг временски рок е неодржливо решение. Димитриев пишува дека актуелните министри од опозицијата имаат нарушени човечки и професионални односи со преостанатите министри. Тој вели дека избори се потребни час поскоро.
„Мандатот на оваа влада е за организирање на избори, ако нема избори во тој случај се доведува во прашање целисходноста од нејзиното функционирање и престанува потребата и основната функција на оваа влада и треба да се врати политичката влада која беше со полн легитимитет од граѓаните“, пишува Димитриев на Фејсбук.