Во авганистанската престолнина се очекува повторно да биде активирана енергетската мрежа, откако милитанти уништија кабли кои го снабдуваат со струја Кабул од Узбекистан. Во соопштението од авганистанската компанија за енергија е наведено дека војската го исчистила регионот каде што се уништени каблите од милитантите поврзани со Талибанците. Реконструирана е поголем дел од мрежата и се очекува во следните пет дена работата да биде завршена е наведено во соопштението. Последнава криза со снабдувањето на енергија која започна кон крајот на минатиот месец е најголема во изминативе 15-тина години, односно од времето на талибанскиот режим.