Воени бродови од НАТО пристигнаа во Егејското Море за да се вклучат во акции против мрежи за криумчарење мигранти кои се активни меѓу Турција и Грција. Четири бродови под германска команда во кои има персонал од Канада, Грција и Турција се „распоредени во меѓународни води во Егејското Море. Тие спроведуваат рутински разузнавачки акции“, изјави за ДПА претставник од НАТО. Целта е бродовите да доставуваат информации за властите во Грција и Турција во соработката со Фронтекс во врска со шверц на луѓе и криминални мрежи кои се вклучени во мигрантската криза.