Почнаа антивладините протести во Косово, кои се одржуваат на осмата годишнина од прогласувањето на независноста на земјата. Во исто време се одржуваат прослави по повод денот на независноста и протести на опозицијата. Неколку илјади граѓани со албански знамиња се собраа пред Универзитетската библиотека во Приштина од каде ќе маршираат кон владата.
Ситуацијата е тензична и поради вчерашното апсење на членови и активисти на опозициското движење Самоопределување за кривични дела извршени пред неколку години.
Слични масовни протести се одржаа и на 9 јануари, но на крајот излегоа од контрола кога демонстрантите почнаа да фрлаат молотови коктели кон владата, што доведе до повеќечасовни судири со полицијата.