БиХ поднесе барање за членство во ЕУ

Претседавачот со Претседателството на Босна и Херцеговина Драган Човиќ денеска му го предаде барањето за членство во Европска унија на холандскиот министер за надворешни работи Берт Кундерс, чија земја претседава со ЕУ. Тој нагласи дека се надева на позитивен одговор од ЕУ и оти следната година БиХ би добила статус на кандидат за членство во Унијата. Кундерс вети дека Советот на министри на ЕУ ќе се обрати до БиХ кога ќе види дека е постигнат значителен напредок во спроведување на реформската агенда.