Премиерот на Франција Мануел Валс изјави дека Русија мора да запре со бомбардирањето на цивили во Сирија со цел да се отвори патот за преговори и мир. На Конференцијата за безбедност во Минхен, Валс изјави дека Франција ги почитува Русија и нејзините интереси но нагласи дека во Сирија треба да има мир и треба да има преговори. И покрај договорот за прекин на судирите во Сирија, министерот за надворешни работи на Русија Сергеј Лавров изјави дека Русија ќе продолжи со операциите против Исламската држава , и другите милитантни група, и дополни дека договорот за прекин на огнот не се однесува на терористите.