Претставничкиот дом на американскиот Конгрес одобри закон предложен од републиканците со кој му се отежнува работата на претседателот Барак Обама во укинувањето на санкциите против Иран што е предвидено со договорот меѓу Техеран и светските сили. На овој закон, според очекувањата, претседателот Обама ќе стави вето кое пак не ќе може да биде отфрлено од двата дома на Конгресот бидејќи за тоа се неопходни и две третини од гласовите, што значи и оние на демократите. Иран остро се спротивстави на оваа регулатива, а Белата куќа предупреди дека може да предизвика колапс на нуклеарниот договор што стапи во сила во минатиот месец.
