Кери бара разговори од страните во конфликтот во Сирија

Американскиот државен секретар Џон Кери побара од сириската влада и опозициските групи целосно да се посветат на мировните преговори. До ова дојде во момент кога делегати на режимот во Дамаск и на опозицијата почнаа да се собираат во Женева на мировни преговори спонзорирани од Обединетите нации. Кери оцени дека нема „воено решение“ на овој конфликт кој, како што предупреди, би можело да го уништи она што остана од Сирија и да отвори поле за натамошно дејствување на милитантите на Исламската држава.