Заклучно со вчерашниот ден во Агенцијата за катастар на недвижности се запишани приближно 142 илјади легализирани дивоизградени објекти. Ова денеска го кажа директорот на катастарот Славче Трпески, во рамки на Отворените денови на Катастарот за граѓаните на општина Сопиште. Агенцијата за катастар на недвижности ги потсетува граѓаните кои не поднеле барање за легализација на дивоизграден објект пред март 2011 година, тоа да го направат најдоцна до 31 март годинава.
