Путин му даде државјанство на контроверзен украински новинар

Рускиот претседател Владимир Путин му даде државјанство на контроверзниот проруски новинар од Украина, Анатолиј Васерман, кој е познат по коментарите со кои ја оспорува државноста на Украина. Тој смета дека Украина е дел од Русија и оти украинскиот и белорускиот јазик се дијалекти на рускиот. Украинските власти во септември минатата година отворија истрага против него. Го сомничат за повикување на сепаратизам и за поттикнување етничка и социјална омраза. Васерман е роден во Одеса во 1952 година, но од средината на 90-тите живее во Москва.