Портпаролот на грчката Влада Олга Геровасили ги демантира се почестите шпекулации дека во блиска иднина се можни предвремени избори во Грција.
„Владата доби мандат и се бори токму на начин како што им вети на грчките граѓани летоска, кога тие и ја дадоа довербата да се справи со ситуацијата.Не станува збор за предвремени избори“, изјави таа за телевизијата Мега. Геровасили исто така, инсистираше на тоа дека не е точно оти пратениците на Сириза не ги поддржуваат пензиските реформи на Владата.
Мнозинството на владејачката коалиција од само три пратеници и притисокот на кредиторите за поголеми намалувања на пензиите ги поттикна шпекулациите во Грција дека Владата нема да може да опстане уште долго и оти премиерот Алексис Ципрас може да одлучи граѓаните повторно да излезат на гласање.