Советот за безбедност на Обединетите нации планира да ја почне селекцијата на кандидатите за нов генерален секретар на Светската организација кон крајот на јули годинава. Ова го изјави рускиот амбасадор во Обединетите нации Виталиј Чуркин. „Со тоа сакаме да му дадеме доволно време за да може да ја почне работата на 1 јануари идната година“, рече тој наведувајќи дека Генералното собрание избира генерален секретар по препорака на Советот за безбедност. Досега три земји номинираа кандидати: Македонија, Хрватска и Црна Гора.
