Косовскиот премиер Иса Мустафа нема да се сретне со српскиот колега Александар Вучиќ се додека ЕУ не ги укине визите за косовските граѓани, иако средбата меѓу двајцата премиери е планирана за крајот на месецов. Ова како што објави српската телевизија РТС, го изјавил советникот на косовскиот премиер, Бајрам Гецај, нагласувајќи дека тоа е ставот и на целата влада, која очекува претставниците на ЕУ да покажат разбирање. Тој нагласил дека косовските институции ги исполниле сите критериуми и препораки на Унијата за визна либерализација.
