Претседателот Ѓорге Иванов вечерва во вилата Водно му го врачи мандатот за состав на нова влада на генералниот секретар на ВМРО-ДПМНЕ, Емил Димитриев. Се очекува вечерва тој да биде избран за премиер и да се конституира новата Влада.
Димитриев сега е пратеник во Собранието.
Попладнево Собранието ја констатира оставката на премиерот Никола Груевски. Претходно во текот на денот, Извршниот комитет на ВМРО-ДПМНЕ одлучи парламентарните избори да се одржат на 24 април. СДСМ соопшти дека нема да учествува на избори без прочистен Избирачки список и без регулација на медиумите.