Тројцата кандидати на Демократската партија за номинација за трката за претседател на САД во ноември годинава се сретнаа на последна дебата пред гласањето што почнува на 1 февруари во државата Ајова. Поранешниот државен секретар Хилари Клинтон се судри со нејзиниот главен ривал сенаторот од Вермонт Берни Сандерс околу прашањата за здравствената реформа, контролата на оружјето и регулирањето на финансиските институции. На дебатата учествуваше и гувернерот од Мериленд Мартин О Мали, кој во анкетите заостанува зад првите двајца кандидати.