Четворица од убиените во вчерашниот терористички напад во хотелот во главниот град на Буркина Фасо беа украински државјани соопшти украинското министерство за надворешни работи.При нападот загинале вкупно 29 луѓе, а одговорност за нападот ја презеде крило на терористичката организација Ал Каеда. Најмалку 10 од жртвите се странски државјани вклучувајќи канадиски,француски и американски државјани.
Напаѓачите од кои две биле жени загинале при престрелката со безбедносните сили. Претседателот на Буркина Фасо Рок Марк Кристијан Каборе го осуди и опиша нападот како кукавички и злобен чин.