Ерменските власти соопштија дека во земјата починале 11 луѓе од свински грип во последните два месеци. Министерството за здравство денеска соопшти дека вчера починала 61-годишна жена од вирусот Х1Н1. Во моментов 92 пациенти се во различни болници со симптоми на грип, а 11 од нив се во сериозна здравствена состојба. Зимскиот распуст за средношколците е продолжен за уште една недела, до 25 јануари, поради грипот. Властите сепак велат дека нема епидемија.