Шефицата за надворешна политика на ЕУ Федерика Могерини изјави дека очекува економските санкции против Иран наскоро да бидат укинати. Иран и светските сили минатата година се договорија Техеран да ја ограничи програмата за збогатување ураниум во замена за укинување на економските санкции. На прес-конференцијата по средбата со шефот на чешката дипломатија Лубомир Заоралек во Прага, Могерини рече дека не е утврдена конечна дата, но оти „спроведувањето на договорот се одвива добро“. Таа рече дека е неопходно сите договорени чекори да се направат како што треба.