Собраниската Комисија за прашања на изборите и именувањата денеска не ја формира Анкетната комисија за скандалот со фабриката за фалсификување на лични карти, пасоши, афери и други документи бидејќи се уште сите пратенички групи не доставиле имиња на пратеници кои ќе бидат нејзини членови.
Координаторот на пратеничката група на СДСМ Горан Сугарески бараше да биде тргната точката од дневен ред и истакна дека пратениците од ВМРО-ДПМНЕ прават контра Анкетна комисија во која тие нема да учествуваат. Координаторот на пратеничката група на ВМРО-ДПМНЕ Илија Димовски рече дека е неопходно да се расчисти скандалот.