Лидерот на ДУИ Али Ахмети со грчкиот министер за надворешни работи Никос Коѕијас денеска во Атина разговарал за регионалните случувања, добрососедските односи, евроатланската интеграција на Македонија и прашањето за името, соопштија од партијата.
Ахмети истакнал дека ДУИ е подготвена да го даде својот придонес за надминување на спорот со името, што, според него, може да се постигне преку директни средби и искрен и конструктивен дијалог меѓу страните во однос на иднината на регионот. Ахмети и Коѕијас, како што се наведува ДУИ, дискутирале и за конкретни можности за трајно затворање на прашањето.