Илјадници Иранци денеска излегоа на протести низ земјата против Саудиска Арабија поради егзекуцијата на проминентниот шиитски свештеник Нимр ал Нимр што предизвика нови тензии меѓу двете земји. Демонстрантите во Техеран извикуваа „Смрт за Ал Сауд“, мислејќи на кралското семејство на Саудиска Арабија. Тие исто така извикуваа и „Долу Америка“ и „Смрт за Израел“. Некои од демонстрантите носеа и слики од свештеникот. Иранските медиуми јавија и за протести низ другите градови во земјата.