Белата куќа соопшти дека првичните докази сугерираат дека Северна Кореа не извршила успешна проба на хидрогенска бомба, како што претходно соопшти Пјонгјанг. Портпаролот на Белата куќа Џош Ернст не прецизираше за каква бомба станува збор, но оцени дека анализите покажуваат оти не станувало збор за проба на хидрогенска бомба. Тој инцидентот го оцени за провокативно кршење на резолуциите на Обединетите нации.
