Германската канцеларка Ангела Меркел изјави денеска дека таа сака да запре приливот на бегалци во ЕУ, а во исто време да останат отворени границите на блокот. Според неа, многу е важно да се постигне, намалување на протокот на бегалци, но и да се зачува слободата на движење на луѓето во ЕУ.
Во Германија во минатата година биле регистрирани речиси милион и сто илјади баратели на азил. Околу 40 отсто од нив биле од Сирија, потоа од Авганистан и од Ирак.