Во присуство на голем број верници денеска на платото пред Соборниот храм „Свети Климент Охридски“ во Скопје се одржа традиционално одбележување на Бадник, ден пред големиот празник Рождество Христово - Божик. Архиепископот охридски и македонски, г.г. Стефан во својата беседа изјави дека празниците се прилика за духовна смотра и можност за преиспитување на себеси и порача дека токму во вербата во Бога треба да се бара потребната радост и да се гледа излезот и од најтешките ситуации. Семејството на Бадник се собира на заедничка вечера и според обичајот се крши леб со паричка.
