Германскиот канцелар Ангела Меркел во денешното новогодишно обраќање, што вечер ќе биде емитувано на германската телевизија, наведува дека за интеграцијата на мигрантите во Германија ќе бидат потребни „време, сили и пари“. Но, како што додава, тие се можност за голема иднина на земјата. Нејзиното обраќање на интернет ќе биде проследено со превод на англиски и арапски јазик со цел да можат да го разберат милион мигранти во таа земја. Меркел во обраќањето предупредува и на опасноста од пораст на ксенофобијата во земјата.
