Во воздушните напади на меѓународната коалиција предводена од САД загинале 10 лидери на милитантната група Исламска држава во изминатиот месец. Портпаролот на коалицијата, полковникот Стив Ворен изјави и дека меѓу загинатите имало и личности поврзани со терористичките напади во Париз на 13 ноември. Според него, другите кои биле целата на воздушните напади планирале понатамошни напади на западот.
Меѓу загинатите, како што наведе Ворен е и Абдул Кадер Хаким, кој организирал надворешни операции на милитантната група и имал врски со мрежата која ги изврши нападите на францускиот главен град. Тој бил убиен во ирачкиот град Мосул.