Српскиот претседател Томислав Николиќ го прифатил повикот на турскиот премиер Ахмет Давутоглу да и помогне на неговата земја во спорот со Русија.Давутоглу, како што соопшти кабинетот на српскиот претседател, му ја пренел на Николиќ желбата на турската страна да има нормален однос со Москва. Тој позитивно ги оценил и преговорите меѓу Белград и Приштина. Односите меѓу Москва и Анкара беа нарушени по соборувањето на руски борбен авион од страна на Турција.
