Белорускиот претседател Александар Лукашенко денеска оствари средба со неговиот руски колега Владимир Путин во Москва. По разговорите двајцата лидери потпишаа договор за еднакви права на граѓаните да се движат и престојуваат во Рускобелоруската унија воспоставена во 1996 година.
Путин изјави дека разговорите биле фокусирани на безбедноста и стабилноста на надворешните граници на нивната организација и заедничките напори против тероризмот. Според него, во агендата била вклучена и ситуацијата во Украина и Сирија.