Руското министерство за надворешни работи соопшти денеска дека САД не покажале оти се подготвени целосно да соработуваат во борбата против милитантната група Исламска држава. Според соопштението, Русија и натаму ќе продолжи да го повикува Вашингтон да ја преиспита политиката на поделба на терористите на добри и лоши.
Соопштението доаѓа пред посетата на американскиот државен секретар Џон Кери кој вечерва треба да пристигне во Москва. Советникот на рускиот претседател Владимир Путин за воена и техничка соработка, Владимир Кожин претходно изјави дека земјата не ја снабдува со оружје слободната сириска армија.