Група студенти денеска го блокираат влезот во Ректоратот на универзитетот „Св. Кирил и Методиј“ во Скопје. Тие, како што наведуваат, протестираат против ставот на ректорската управа околу сечењето на дрвјата во дворот на Универзитетот и најавената изградба на две нови барокни факултетски згради. Според нив, со одлуката да се градат овие згради и да се сечат дрвјата, била загрозена автономијата на универзитетот. Наспроти ова, Ректорската управа на УКИМ вчера изрази став дека тоа не ја загрозува автономијата на Универзитетот.
