Американскиот државен секретар Џон Кери изјави денеска дека одредени прашања и несовршености треба да се решат во договорот на сириските опозициски сили пред продолжувањето на мировните преговори во наредната недела. Повеќе сириски опозициски групи претходно се согласија да се сретнат со владата на претседателот Башар ал Асад во наредниот месец на разговори за политичко решавање на петгодишната граѓанска војна.