Прекината седницата на анкетната за прислушувањето

Анкетната комисија за скандалот со прислушувањето денеска повторно не одржа седница откако не беше изгласан предложениот дневен ред од страна на претседателот Петре Шилегов и дополнувањето со две точки кое го бараа членовите на ВМРО ДПМНЕ. Потребно мнозинство немаше за предлогот на Шилегов Комисијата денеска да го сослуша поранешниот директор на УБК, Сашо Мијалков. Не беше прифатено и барањето на пратеникот на ВМРО ДПМНЕ, Антонио Милошоски, МВР да достави до комисијата извештај за внатрешната контрола на УБК за прислушувањето и специјалниот јавен обвинител Катица Јанева да ги достави сите материјали за да може да се утврди колкав број граѓани биле прислушувани во Македонија.