Генералниот секретар на НАТО, Јенс Столтенберг утре ќе ја посети Албанија, сопштија од кабинетот на премиерот на земјата, Еди Рама. Албанските медиуми јавија дека целта на посетата е поврзана со меѓународната кампања за безбедост и борбата против Исламската држава. Столтенберг освен со Рама ќе се сретне и со претседателот Бујар Нишани, министерката за одбрана Мими Кодели и шефот на дипломатијата, Дитмир Бушати.
