Премиерот Никола Груевски на денешната средба со неговиот израелски колега Бенјамин Нетанјаху во Ерусалим потпиша Декларација за пријателство меѓу двете земји, Договор за одбегнување на двојното оданочување и Договор за промоција и заштита на инвестициите.
На средбата, како што соопшти Кабинетот на премиерот, двајцата соговорници ги потврдиле одличните односи меѓу двете држави кои се карактеризираат со взаемно пријателство и меѓусебно разбирање. Тие разговарале и за теми кои што се глобални предизвици, како што е борбата против тероризмот и мигрантската криза.