Списанието Тајм ја прогласи германската канцеларка Ангела Меркел за личност на годината. Во соопштението, списанието го поздравува лидерството на Меркел за време на должничката криза во Европа, мигрантската криза и руската воена интервенција во Украина. Списанието на својата веб страна објави слика на Меркел со цитат од еден од нејзините говори кога таа изјави дека е изненадена од тоа како понекогаш луѓето се слаби и колку брзо губат храброст.
Уредникот на Тајмс, Ненси Гибс напиша дека Меркел е избрана за личност на годината поради тоа што таа бара од нејзината држава повеќе отколку што политичарите би се осмелиле, поради тоа што застанала цврсто против тиранијата, како и за експедитивноста и обезбедувањето на цврсто морално лидерство во свет каде тоа недостасува.