Генералниот секретар на ОБСЕ, Ламберто Заниер на средбите во Скопје ги охрабрил политичките лидери да продолжат со посветеноста кон тековниот политички процес и навременото спроведување на Договорот од Пржино. Заниер, како што соопшти Мисијата на ОБСЕ во Скопје, дал признание за напредокот на земјата во решавање на политичката криза, додавајќи дека процесот е во важна фаза.
Според него, треба да се преземат понатамошни важни чекори во насока на зајакнување на демократските процеси и враќање на довербата во институциите на земјата. Тој ја нагласил и важноста на претстојните избори во април 2016 година, посочувајќи дека сите страни мора да ги преземат потребните чекори за да се испочитуваат крајните рокови.