Меѓународниот монетарен фонд соопшти дека кинескиот јуан ќе биде ставен во кошницата на резервни валути во идната година. ММФ оцени дека јуанот ги исполни сите критериуми да им се приклучи на американскиот долар, еврото, јапонскиот јен и британската фунта како резервни валути. Шефицата на ММФ Кристин Лагард оцени дека оваа одлука е важна крстосница во интеграцијата на кинеската економија во глобалниот финансиски систем.
