Повеќе од 140 лидери на земји во светот во Париз треба да присуствуваат на клучните разговори за обезбедување долгорочен договор за забавување на вештачки предизвиканото глобално затоплување. Климатската конференција на ОН, која треба да се одржи од утре до 11 декември, е под исклучително високо ниво на безбедност, по терористичките напади во Париз овој месец. Генералниот секретар на ОН, Бан Ки-мун денеска во Париз се среќава со францускиот претседател Франсоа Оланд во пресрет на Конференцијата. Американскиот претседател Барак Обама ќе присуствува на Конференцијата.
