Рускиот борбен авион кој беше соборен кај турско-сириската граница не добил предупредувања од Турција за нарушување на воздушниот простор на земјата, тврди преживеаниот пилот Константин Мурахтин. Според него, екипажот не добил предупредувања ниту по радио-врска ниту визуелно.Тој истакна и дека проектилот бил испукан одзади и екипажот не бил во можност да изврши маневар. Мурахтин нагласи и дека тој и неговиот колега, кој беше убиен по соборувањето на авионот многу пати летале во тој реон и оти се враќале во базата безбедно.
