Косовскиот премиер Иса Мустафа изјави денеска дека Европската унија изразила голема загриженост за ситуацијата во неговата земја. Тој на владината седница истакна и дека основната причина за неговата посета на Брисел е прашањето за либерализација на визниот режим, а од официјалните претставници не побарал олеснување како подарок за косовските граѓани туку како резултат од исполнување на критериумите. Тој додаде дека на крајот од годинава очекува позитивен извештај, како и следната година граѓаните на Косово да почнат да се движат без визи.
